Чүп чыгару тарифлары кабат күздән кичерәләчәк

Төбәк башлыгы шундый бурыч йөкләтте

10 декабрьдә Башкортстан Хөкүмәтендәге махсус киңәшмәдә каты көнкүреш калдыкларын чыгару тарифлары тикшерелде. БР Башлыгы вазифаларын вакытлыча үтәүче Радий Хәбиров хәзерге бәяләр артык зур дип атады һәм аны киметүне таләп итте. Ул шулай ук авылларда чүп чыгару системасын җентекләп өйрәнү һәм халыкның тормышта авыр хәлдә калган аерым катламнары өчен чүп чыгару бәясен компенсацияләүне күздә тоту бурычын да йөкләтте.

Бәяләр 20 декабрьгә кадәр мәгълүм булачак.