«Сусар» җиңәргә ярдәм иткән

Камил Җиһаншин дәрәҗәле әдәби премиягә лаек булган

Ульяновскида И. Гончаров исемендәге халыкара әдәби премияне тапшыру тантанасы үткән. “Әдәби сүз остасы” бүлегендә “Возвращение росомахи” китабы өчен Русия Язучылар берлеге әгъзасы, язучы һәм сәяхәтче Камил Җиһаншин премия лауреаты булган. Бүләкләү тантанасы язучының тууына 206 ел тулуга багышланган 40нчы бөтенрусия Гончаров бәйрәме һәм XIV Обломов фестивале кысаларында узган.