Ачышлар алдында

Район II бөтенрусия фән-тәҗрибә конференциясенә әзерләнә

30 мартта 7нче мәктәптә үтәчәк конференциядә читтән торып оештырылган өлешне уңышлы үткән 450 кеше катнашачак. Бу илебезнең мәктәпкәчә белем бирү оешмалары тәрбияләнүчеләре, мәктәп укучылары һәм студентлар. Алар исәбендә республика югары уку йортларында белем алучы Ангола һәм Йемен студентлары да бар. АКШ, Канада, Вьетнам студентлары белән телекүпер үткәрү күздә тотыла. Төрле фәнни юнәлешләр буенча 26 бүлек эшләячәк, анда бәйгечеләр үзләренең тикшеренү эшләрен һәм проектларын тәкъдим итәчәк.