Рөстәм Хәмитов: “Халык Президент сайлаган юлны хуплады”

Төбәк Башлыгы узган сайлау йомгакларына карата фикерен белдерде

Башкортстан Башлыгы сүзләренә караганда, республикада сайлау оешкан төстә, тыныч, закон нигезендә үткән.

– Башкортстанда сайлау җәмгыятебезнең тупланганлыгын, гамәлдәге, хәзер исә илебезне киләсе алты елда җитәкләячәк Президентыбызны хуплавын күрсәтте, – дип ассызыклады Рөстәм Хәмитов. – Әлбәттә, Владимир Владимирович Путин өчен тавыш биргән 1 миллион 780 мең кеше яңа карарларга, алга баруның яңа ысулларына һәм ахыр чиктә икътисад үсешенә өмет итә.

Республика җитәкчесе Башкортстанда 2030 елга кадәр исәпләнгән иҗтимагый-икътисади үсеш стратегиясе әзерләнүен билгеләде.

– Киләчәккә үзебезнең финанс мөмкинлекләрдән чыгып та, иң мөһиме, Президент Мөрәҗәгатьнамәсендә һәм Башкортстан Республикасының 2030 елга кадәр исәпләнгән Стратегиясендә бәян ителгән максатларны тормышка ашыру күзлегеннән багабыз, – диде Хәмитов. – Без бу максатларга ирешәчәкбез. Башка юл юк. Безгә кул кушырып утырырга ярамый. Уңышлар, сайлауда югары нәтиҗәләр – җәмгыять, халык алдында җаваплылык кына ул. Президентның яңа көч, яңа кичерешләр белән илебез үсеше өчен һичшиксез байтак эшләр башкарачагына иманым камил.

“Башинформ” агентлыгы мәгълүматларыннан.