Тешләрне авырттырмыйча дәвалау – чынбарлык

Заманча техноголияләр ярдәмендә тешләрне дәвалау елдан-ел авыртусыз һәм нәтиҗәлегә әверелә. Шушы көннәрдә яңа җиһаз белән тулыланган Туймазы үзәк район хастаханәсенең стоматология дәваханәсе авырулары моңа шәхсән инанды.
– Безгә ике стоматология җиһазы кайтты, – ди дәваханә мөдире Илмира Мөстәкыймова.–Күптармаклы, тавышсыз эшләүче компрессорлы җиһаз тештәге ташларны алу өчен ультратавышлы скайлер, операция бүлмәләрендә генә кулланыла торган куәтле сенсорлы лампалар белән тәэмин ителгән. Монда авырулар өчен уңайлы кәнәфиләр, табиб өчен генә түгел, аның ярдәмчесе өчен дә эш урыны каралган.
Яңа җиһазлар теш дәвалау һәм пародонтология бүлмәләрендә иске машиналар урынына урнаштырылган.

Фото: maestroimplant.ru