Физкультурачы көнендә паркта ярышлар узачак

11 августта 9.30 сәгатьтә шәһәр паркына скандинавия адымын үз иткән һәвәскәрләр чакырыла. “Исток” халыкка җәмәгать ярдәме күрсәтү үзәге алар өчен Физкультурачы көне уңаеннан ярышлар үткәрә. Катнашучыларны теркәү – 9.00 сәгатьтә.

ГТО билгесе алырга хыялланган пенсионерлар шунда ук комплекс таләпләрен үти алачак. Комплекс скандинавия адымы һәм аркага ятып, гәүдәне күтәрүдән гыйбарәт. Алдан ГТО сәхифәсендә теркәлергә онытмагыз! Тулырак мәгълүмат – 5-50-27 телефоны аша.