Барлык яңалыклар
События и факты
18 март , 10:09

Яз көне йокы килмәсен өчен кефир эчегез

Организмның витаминнарга кытлык кичергән вакыты бу. Йокы баса, эч нәрсәдер эзләнә, хәлсезлек. Бу “афәтләрдән” арыну өчен туклануны җайга салу зарур. Мотлак рәвештә көн саен сөт ризыклары – кефир, йогырт, эремчек кулланыгыз

Кефирның арыганлык тойгысын, йокы килүне киметүен, көч өстәвен белә идегезме әле? Димәк, кефир эчәбез.
Эремчек тырнакларны ныгыту, чәчләрне, бит тиресен матурлау чарасы.
Яшелчә-җимештән өзелмәгез, яңа өлгергәне булмаса, туңдырылганнары да ярый. Аларны да мөмкин кадәр күбрәк кулланыгыз.
Чикләвекләрне көн саен, әмма аз-азлап ашарга тырышыгыз.
Йомырка сарысы, атланмай, кишер, балык бавыры, сыер ите А витамины чыганагы. Карабодай, сөт ризыклары, йомырка һәм ногыт борчагы В витаминына бай. Кәбестә, әфлисун-мандариннар, петрушка һәм гөлҗимеш С витамины белән тәэмин итәчәк.
Фото healthhacks.ru