Юлларда тагын ун видеокамера барлыкка киләчәк

Район Хакимияте карамагында районара юл-хәрәкәт хәвефсезлеге комиссиясе эшен дәвам итә. 2019 ел башыннан ул дүрт утырыш үткәргән, анда халыктан һәм төрле оешмалардан килгән 80 мөрәҗәгать тикшерелгән. Шушы көннәрдә юл-транспорт комплексын камилләштерү буенча алдан йомгак ясалган һәм юллардагы аварияләр күплегенең сәбәпләре һәм нәтиҗәләре тикшерелгән.
20 ноябрьгә алынган мәгълүматлар буенча, районда 85 юл-транспорт казасы (үткән елның шушы чорына чагыштырганда 22гә азрак) теркәлгән. Анда 32 кеше һәлак булган (былтыргыга караганда 11гә артык).
32 үлем очрагының унысы федерациянең М-5 трассасында, 19ы – төбәк һәм муниципалитетара юлларда, 3се шәһәр биләмәсендә теркәлгән. Үлем һәм имгәнү очракларының төп сәбәпләре – каршы хәрәкәт ягына чыгу, әйләнү, тизлекне арттыру.
Ел башыннан шәһәр һәм авыл биләмәләре юлларында төбәк бюджеты акчасы исәбенә 711 юл билгесе, 16 ясалма юл каршылыгы, 13 светофор урнаштырылган. 7,5 мең квадрат метр озынлыкта юл билгеләре сугылган. 1918 яктырткыч урнаштырылган, шуның 221е – мәгариф һәм мәдәният оешмалары янында.
Әлеге вакытта шәһәрдә тизлекне өч фото һәм видеотеркәү җайланмасы эшли. Октябрь-ноябрьдә тагын ун камера урнаштырылган. Алар әлегә тест-сынау тәртибендә эшли. Төбәк һәм район әһәмиятендәге юлларда тагын ун видеокомплекс урнаштыру күздә тотыла, шул исәптән авыл урамнарында да.