Авыл “Айболиты” исәбендә 20 операция

32 яшьлек Евгений Грид-
невский – “Айболит”лар-ның икенче буыны вәкиле. Әтисе пенсиягә киткәнче Белорет районы авыл хуҗалыгында эшли. Булачак һөнәре нечкәлекләренә Евгений аңардан өйрәнә.

Башкорт дәүләт аграр университетын тәмамлап, Евгений Белорет ветеринария станциясенә эшкә урнаша, аннары Мәләвездә кошчылык фабрикасында эшли, өч ел элек исә хатыны һәм балалары белән Туймазыга күчеп килә һәм “Нерал-Матрикс”та эшли башлый. Берничә айдан соң ук аны авыл хуҗалыгы предприятиесенең баш ветеринария табибы итеп тәгаенлиләр.
Биредә эшләү дәверендә хезмәттәшләре белән берлектә егермеләп операция үткәрергә өлгергән. Шуларның беренчесе – сөтлебикәнең бозавын ярып алуны бүгенгедәй хәтерли.
– Ашыгыч операция булды бу, – ди Евгений Александрович. – Бозавы дөрес ятмау сәбәпле эшләргә туры килде аны. Терлекләргә мондый операцияне баскан килеш махсус станокта ясыйлар, анда сыерны беркетү кулайрак.
Тагын бер еш очрый торган хирургия чарасы – күшәүче малларның ашказанының бер өлеше – картасына операция бу. Буаз сыерларның бозавы үсү сәбәпле, картасы күчә. Әгәр бозаулаганнан соң ул урынына утырмаса, операция ясарга туры килә. Малларны карап-тикшереп, бу авыруны ачыклау озак түгел: аларның температурасы күтәрелә, аппетиты кими, еш-еш сулыш ала. Теләсә кайсы операция берничә белгеч катнашлыгында ясала. Минем ассистентлар: ветеринарлар, осеменаторлар, зоотехник. Көтүнең сәламәтлеген тәэмин итү – бу безнең уртак бурыч.