Безнекеләр булдыра!

Австриянең Грац шәһәрендә бозда фигуралы шуу буенча Европа чемпионаты бара. Ир-егетләр арасында ялгыз шуучы Дмитрий Алиев алтын медаль яулады. Безнең янә бер спортчы – 16 яшьлек Артур Даниелянда – көмеш медаль. Ярышларның өченче көнен ялгыз шуучы кызлар ачачак. Пьедесталның барлык баскычларына Русия спортчылары дәгъва итә. Безнең илне Этери Тутберидзе тәрбияләнүчеләре Алена Косторная, Анна Щербакова һәм Александра Трусова тәкъдим итә. Кызлар барысы да көчле буларак, ярыш чәмле узачак.