+16 °С
Облачно
Җәмгыять
23 Января 2020, 10:00
Әллә чын кыш киләме?
Атна ахырына Башкортстанда аязытканда 17 градускача суытачак, дип кисәтә “Башгидрометүзәк”
Республика синоптиклары мәгълүматлары буенча, бүген көн болытлы. Бераз җепшек кар төшәчәк. Урыны белән юлларда бозлавык. Җил көнбатыштан, көньяк-көнбатыштан, тизлеге 7-12 метр. Көндез 2-7 градус салкын.
24 гыйнварда бераз кар явачак, юлларда бозлавык, җил көнбатыштан, төньяк-көнбатыштан, талгын.
Салкынлык төнлә 6-11, аязытканда 12-17 градус. Көндез 5-10 градус салкын.
25 гыйнварда төбәктә урыны белән кар яву, аерым районнарда бозлавык көтелә. Җил көнбатыштан, төньяк-көнбатыштан, талгын. Алдагы көндәге кебек, төнлә 6-11, аязытканда 17 градускача салкын. Көндез шулай ук 5-10 градус суык.
