Урамда мина табылган

Стәрлетамакта яшәүче бер ир урамнан китеп барганда боеприпаска охшаш әйбергә юлыккан. Ул бу хакта Росгвардиянең республика идарәсенә хәбәр иткән. Табылдык урынына ОМОНның инженер-техника бүлекчәсе белгечләре килгән. Карап, җентекләп тикшергәннән соң табылдыкның пехотага каршы шактый тутыккан өйрәнчек мина булуы ачыкланган. Экспертлар билгеләвенчә, шартлау хәвефе тудырмый. Белгечләр минаны полиция хезмәткәрләренә тапшырган.