Учалы районының Нәүрүз авылы - Башкортстанда иң күркәме

2019 елгы “Башкортстан Республикасының иң күркәм авылы” бәйгесендә Учалы районы Нәүрүз авылы җиңеп чыкты. Бәйге йомгаклары буенча икенче урында – Ишембай районының Макар авылы, өченче урында – Шаран районы Дүртөйле авылы. Бүләкле урыннар яулаучылар бәйгенең бер миллион сумлык бүләк фондын бүлеште. Беренче урын - 500 мең сум, икенче – 300 мең, өченче урын 200 мең сум грант белән билгеләнгән. Моннан тыш, 12 күркәм авыл төрле бүлекләрдә бүләкләнгән.