Башкортстанда ишле гаиләләргә махсус таныклык бирә башлаганнар

Республиканың Хезмәт министрлыгында хәбәр итүләренчә, ишле балалы гаиләләргә таныклык тапшырыла башлаган. Ишле балалы дәрәҗәсен раслаучы һәм кибетләрдә, күңел ачу үзәкләрендә, музейларда, театрларда төрле ташлама-чигерүләрдән файдалану хокукы бирүче рәсми документ республикада беренче тапкыр әзерләнгән. Таныклык алу өчен Республика халыкка җәмәгать ярдәме күрсәтү үзәкләренә яки МФЦ офисына мөрәҗәгать итү зарур.