Барлык яңалыклар
Җәмгыять
15 ноябрь 2018, 11:52

Иң якты урамны эзлибез

Редакция чара үткәрә һәм гәзит укучыларыбыздан ярдәм сорый

Редакция чара үткәрә һәм гәзит укучыларыбыздан ярдәм сорый


Көзге һәм кышкы айларда урамнарда һәм ихаталарда халык асылда тәүлекнең караңгы мәлендә урам яктырткычлары яктысында йөри. Әмма фонарьлар булган җирдә бар, булмаган җирдә юк.

Шәһәр халкының ихата һәм тыкрыклардагы караңгылыктан зарланган даими мөрәҗәгатьләре безне иң якты урам бәйгесе үткәрүгә илһамландырды. Дөресен әйтик: анда җиңүчегә бүләк каралмаган, чөнки ул болай да яхшы яктыртылган урамда яши. Аның каравы, күмәк чарабыз шәһәрнең иң караңгы төбәкләрен ачыкларга һәм бу мәсьәләгә хакимият оешмаларын җәлеп итәргә ярдәм итәчәк.

Үзегез даими йөргән урамнардагы фонарьларны санарга һәм бу мәгълүматны 21 ноябрьгә кадәр электрон почтага (tvest@yandex.ru) җибәрергә кирәк. Сүзләрегезне фоторәсем белән дәлилләсәгез, тагын да яхшырак булачак.