Бишенче катта фатир янган

Ел башыннан районда 92 янгын теркәлгән

– Якшәмбе, 28 октябрьдә, Мичурин урамындагы биш катлы бер йортта янгын чыккан. Янгын сүндерү бүлекчәсе килеп җиткәндә фатир тәрәзәләреннән куе төтен ургылган. Янгын йорт җиһазы, түшәм, компьютер техникасына зыян салган. Ике сәгатьләп сүндерелгән янгынның сәбәпләре – электр җиһазларыннан файдалану кагыйдәләреннән тайпылу, – дип хәбәр итте Федерациянең янгын хәвефсезлеге хезмәте БР 12нче отрядының 48нче янгын сүндерү бүлеге начальнигы Илсур Яппаров.