Савучыларыбыз барысы да уңган-булган!

Үткән атнада гәзитебез савучылар арасында бәйге игълан итте.

Безнең тарафтан вакыт аз бирелсә дә, гәзит укучыларыбыз сынатмады – фотоларын яудырды. Димәк, бу бәйге авыл эшчәннәре күңеленә хуш килде. Әмма шулар арасыннан бердәнберен, иң яхшысын барыбер сайлый алмадык. Шуңа күрә тиз арада икенче бүләк уйлап таптык – тамашачы сөюе бүләге бу. Аңа Ләйсән Майорова лаек булды. Җиңүчебез – “Бишенде” җәмгыятеннән Кумысханым Левина. Ул савучы да, ферма мөдире дә булган. Пенсиягә чыккач та, районның иң зур һәм көчле хуҗалыгында эшен дәвам итә.