Тату яшәү – уртак максатыбыз

Район Хакимиятендә милләтара татулыкны ныгыту мәсьәләләренә багышланган Совет утырышы үтте

Былтыр декабрьдә район Хакимияте башлыгы карамагында милләтара татулыкны ныгыту мәсьәләләре буенча Совет оештырылды. Аның исәбенә хакимият һәм төбәк үзидарәсе оешмалары, көч тармагы, җәмәгать берләшмәләре, төрле дини конфессия, киң мәгълүмат чаралары вәкилләре керде. Район һәм шәһәр биләмәсендә яшәүче халыкларның милли бердәмлеген һәм этномәдәни үсешен ныгытуга юнәлтелгән чаралар планы расланды.

Шушы көннәрдә Советның беренче утырышы үтте, анда төбәктә милләтара мөнәсәбәтләр тармагы хәл-торышы тикшерелде һәм киләчәк эшчәнлек буенча берничә карар кабул ителде.