Төбәк Башлыгы Русия гадәттән тыш хәлләр министрының беренче урынбасары белән очрашты
Узган атна азагында Башкортстан Башлыгы Рөстәм Хәмитов Русия Федерациясе гражданнар оборонасы, гадәттән тыш хәлләр һәм табигать казалары нәтиҗәләреннән арындыру министрының беренче урынбасары Александр Чуприянов белән очрашты.
Алар республика биләмәсендә киләчәктә янгын сүндерү-коткару көчләренең нәтиҗәлелеген арттыру, Гадәттән тыш хәлләр министрлыгы Башкортстан Баш идарәсенең матди-техника нигезен ныгыту һәм яшь алмаш белән тәэмин итү буенча хезмәттәшлек мәсьәләләрен хәл итте.