“Диңгез”гә чумдылар

Тукайда күңелле бәйрәм үтте

Тукай авылы китапханәсе һәм шундагы мәктәп хезмәткәрләре “Нептун көне” дип аталган бәйге-уен программасы тәкъдим итте. Бәйрәмнең төп каһарманы – диңгез һәм дәрьялар алласы Нептун иде, әлбәттә, аны бер көтү яраннары озатып йөрде. Балалар диңгез җәнлекләре турында табышмаклар чиште, Нептун белән бергә уеннарда, бәйгеләрдә, театрлаштырылган тамашаларда катнашты. Суга “чумдыру”-коендыру да каралган иде. Бәйрәмнән коры кайтып китүче булмады.