Күркәм, эчтәлекле, хис-тойгыларга бай бәйрәм

Русия Фәннәр академиясенең Уфа федерация тикшеренү үзәге рәисе Рөстәм Ахунов:

– Сабан туе чорында республика-ның авыл хуҗалыгы сәнәгате буенча алдынгы муниципалитет-районнарында булырга тырышам. Мәгълүм ки, сезнең район авыл хуҗалыгы буенча Башкортстанның алдынгы өч муниципалитет-берләшмәсе исәбенә керә. Бәйрәмегез күркәм, эчтәлекле, хис-тойгыларга бай булды. Тирмәләрнең бизәлеше, гамәли-бизәү сәнгате күргәзмәләренең байлыгы буенча фикер йөрткәндә, туймазылылар халык йолаларын һәм гореф-гадәтләрен санлый, ихтирам итә.