Шпаргалка – укучыларның иң якын дусты

Туймазы 4нче мәктәбендә белем бирүгә үзенчәлекле караш кулланылачак

Җәй тәмамланып килә, димәк, ремонттан соң яңартылган мәктәпкәчә һәм гомуми белем бирү оешмалары балаларны каршы алырга әзерләнә. 4нче мәктәп җитәкчеләре укучыларга сөенечле бүләк әзерләгән: коридор стеналарын шпаргалкалар белән чуарлаган!

Бу кыю фикерне тормышка ашыру турында мәктәп директоры Рөстәм Салихов күптән уйлап йөргән: башта тапкырлау таблицасын сурәтләп, стенаны математика формулалары һәм таблицалар белән бизәргә уйлаган. Әмма, хезмәттәшләре белән киңәшләшеп, барлык уку фәннәреннән дә ярдәм итәргә кирәк дигән карарга килгәннәр.

Биредә химия элементларының атом формулалары, геометрия фигуралары атамалары һәм сурәтләре, катлаулы исем һәм фигыльләрнең дөрес язылышлары, зур география объектлары, тарихи даталар һәм бик күп башка мәгълүмат бар. Хәзер тәнәфесләр аеруча файдалы үтәчәгенә иманы камил Рөстәм Тимерхан улының.

Беренче катның стеналарында “Хәерле көн телим!”, “Очрашканга кадәр!”, “Сине күрүемә шатмын!”, “Сау булыгыз!” ише әдәплелек кагыйдәләре урын алачак.

– Балаларның аралашу дәрәҗәсе аксый. Шушы мисалларны күреп, алар бер-берсенә карата ихтирамлырак булыр, – дигән фикердә мәктәп директоры.

Читайте нас:

Об использовании персональных данных

ПИ ТУ02-01455нче теркәү таныклыгы Элемтә, мәгълүмат технологияләре һәм киң коммуникацияләр өлкәсендә күзәтү буенча Федераль хезмәтнең Башкортстан Республикасы буенча Идарәсеннән 2015 елның 14 сентябрендә бирелде.

Телефон

8 (34782) 5-12-96

Электрон почта

[email protected]

Адресы

452750, Республика Башкортостан, г. Туймазы, ул. Мичурина, 20Б

Реклама хезмәте

8 (34782) 5-13-00

Редакция

8 (34782) 5-13-05

Кабул итү бүлмәсе

8 (34782) 5-12-96

Хезмәттәшлек

8 (34782) 5-13-05

Кадрлар бүлеге

8 (34782) 5-12-96