+16 °С
Дождь
Көнүзәк
28 Января 2020, 14:00
Вакытлыча чикләүләр кертелде
Яңа коронавирус таралу нәтиҗәсендә 28 гыйнвардан Русиягә Кытайдан сәяхәтчеләр кертү туктатылды
Аларның соңгы төркемнәрен Русия 27 гыйнварда кабул иткән. Бу чикләү хәл тотрыкланганчы дәвам итәчәк, әлегә чама белән февраль ахырына кадәр, диде Русия сәяхәтчелек индустриясе вице-президенты Юрий Барзыкин. Бу хакта “Башинформ” мәгълүмат агентлыгы хәбәр итә.
Вирус таралуга юл куймас өчен, Кытай хакимияте үз чиратында чит илдән сәяхәтчеләр төркемнәрен кертүне чикләде.
Чит илдән Уфа аэропортына төшкән барлык пассажирларны да “Роспотребнадзор” хезмәткәрләре тикшерә. Имин булмаган төбәкләрдән кайтучылар җылылыкка тәэсир итүче стационар һәм күчмә җиһазлар ярдәмендә тикшерү үтә.
25 гыйнвардан Кытай Халык Республикасына турлар сату вакытлыча туктатылган. Юллама алучылар акчаларын тулысынча кире кайтаруны таләп итәлә.
Коронавирус 31 декабрьдә Ухань шәһәреннән чыккан.
Авыруның тәүге билгеләре – температура күтәрелү, сулыш алу авырлашу, ютәл.
