+27 °С
Ясно
Көнүзәк
28 Октября 2019, 06:54
Хәзер Күл урамында асфальт
Кандракүлдәге Күл урамы 70нче елларда барлыкка килә.
Кандракүлдәге Күл урамы 70нче елларда барлыкка килә. Шушы дәвердә асфальт шактый таушалган, авыл советы ел саен үз акчасына ремонтлаган чокыр-чакырлар озакка чыдамаган.
Район Хакимиятенә юллар сыйфатына кагылышлы шикаятьләр бер-бер артлы яуган. Күл буена ял итәргә килгән район кунаклары да юл түшәмәсенең сыйфаты начар булуны билгеләгән.
Быел ремонтка акча табылган – район Хакимияте бу максатта республика бюджетыннан муниципалитет юлларын ремонтлауга бүленгән 4 миллион сумны юллаган. Бу акча 871 метр озынлыгындагы юл түшәмәсен яңартырга җиткән. Күл урамының калган ике километрдан артык өлешен киләсе ике-өч елда тәртипкә китерү күздә тотыла.
Эшне “Башкиравтодор” җәмгыятенең Туймазы юл төзү-ремонтлау идарәсе хезмәткәрләре башкарган. Алар юл читләренә комташ түшәгән, өч ясалма каршылыкны тергезгән. Предприятие үз эшенә дүрт ел гарантия биргән.
