Туймазы хәбәрләре
+9 °С
Болытлы
Барлык яңалыклар
Көнүзәк
29 апрель 2019, 12:31

Бәйрәмгә һәйкәл-мемориаллар яңартылачак

Алар буяла һәм ремонтлана

Шәһәр паркы янә-шәсендә Җиңүнең 60 еллыгы алдыннан барлыкка килгән Батырлар сукмагына күптән ремонт таләп ителә иде. Ул көздән үк башланды: тугыз якташыбызның сыны урнаштырылган постамент тәртипкә китерелде. Андагы гранит плитәләр кабат ябыштырылды.


Язга чыгып, көннәр җылыту белән эш дәвам итте. “Стройголд” җәмгыяте эшчәннәре биредәге эскәмияләрне буяды, хәтер комплексы уртасында урнаштырылган гранит ташны яңартты. Әле төзүчеләр күчә һәм тарала башлаган брусчатканы алыштыра. Шушы көннәрдә элеккесе урынына яңа гранит плитә урнаштырылачак, аңа уеп язылган сүзләр Георгий тасмасы белән каймаланган. Ремонт өчен акчаны шәһәр биләмәсе бүлде.

Май бәйрәмнәре алдыннан шәһәр һәм районның башка һәйкәлләре дә ремонтланачак.

Анфиса АИТОВА.
Читайте нас: