“Дулкын” белән “Күл” алышты

“Кандракүл” табигать паркы хезмәткәрләре, “Чиста боз” чарасы оештырып, экология өмәсе үткәрде. Тәрбия максатында Кандра 1нче мәктәбенең 8б сыйныфы укучылары җәлеп ителде. Экология ирекле ярдәмчеләре Кандракүл бозы өстеннән үтеп, кимендә 200 килограмм чүп җыйды. Өмәдән соң гитарага кушылып җырладылар, бәйгеләр оештырдылар. “Дулкын” һәм “Күл” командаларына бүленеп, укучылар спорт төрләрендә ярышты.