Акча артык булмый

Яшь әниләр үзләренең ни рәвешле дәүләт ярдәменнән файдалануы турында бәян итә

– Булачак ирем белән 18 яшемнән очраша башладым. Ике ел элек өйләнештек. Бер ел яшәгәннән соң йөккә уздым, ике дә уйламадык – баланы табарга карар иттек, – дип сөйли 22 яшьлек туймазылы Альбина. – Кайбер туганнарыбыз үгетләп тә карады – бала турында уйламагыз да, ирең өчегезне дә туйдыра алмаячак, янәсе. Сөйләшүгә ноктаны бианам куйды: “Һәр бала үз ризыгы белән туа, акча исә беркайчан да күп булмаячак. Шуңа күрә Ходай биргән икән, табарга кирәк”. Улым быел 1 гыйнварда дөньяга аваз салды.