Безне алма бәлеше фестивале көтә!

“Туймазы хәбәрләре” гәзите шундый бәйрәм оештыра һәм халыкны бу чарада катнашырга чакыра

Без кыяр, помидорга мәдхия җырладык инде. Яңалык күрәсе килә. Урамда көз булуын, бакчаларда тулышып алмалар өлгерүен исәпкә алып, “Нишләп әле безгә иң бәрәкәтле җимеш – алманы данламаска?!” – дип уйлашты хәбәрчеләр. Бу күркәм һәм татлы бәйрәм кешеләрне берләштерәчәк.

Без бәйрәм программасын әзерли башладык инде, бәйгеләр уйлап чыгарабыз. Мәсәлән, “Алма фантазиясе” дип аталган кул эшләре бәйгесе, “Алтын көз” балалар сурәте бәйгесе. Нишләп әле төп каһарманыбыз – алмага багышлап язылган шигырьләр, җырларны искә төшермәскә? Белдеклеләр бүләк алачак.

“Безнең бай уңыш” бәйгесе һичшиксез бакчачылар күңеленә хуш киләчәк. Мәсәлән, алар алмагач тәрбияләү тәҗрибәсен уртаклаша алыр иде.

“Алма кибете” бәйгесендә без алмадан пешерелгән иң тәмле ризыкларны сайлаячакбыз, анда берничә бүлек булачак. Җәмәгать тукландыру предприятиеләре, ресторан, бар, кафелар катнаша алачак.

Шулай ук алма бәлеше- шарлотканың үзенчәлекле рецептларына ия булган барлык хуҗабикәләрне чакырабыз. Тәмләп карау өчен бәлешләрегезне алып килегез. Барысыннан да авыз иткәч, иң уңган аш-су остасын билгеләячәкбез.

Оныта язганбыз бит. Костюмнар әзерләгез. Алма патшабикәсен сайлаячакбыз!

Бәйрәм шимбә, 22 сентябрьдә узачак.

Читайте нас:

ПИ ТУ02-01455нче теркәү таныклыгы Элемтә, мәгълүмат технологияләре һәм киң коммуникацияләр өлкәсендә күзәтү буенча Федераль хезмәтнең Башкортстан Республикасы буенча Идарәсеннән 2015 елның 14 сентябрендә бирелде.

Телефон

8 (34782) 5-12-96

Электрон почта

[email protected]

Адресы

452750, Республика Башкортостан, г. Туймазы, ул. Мичурина, 20Б

Реклама хезмәте

8 (34782) 5-13-00

Редакция

8 (34782) 5-13-05

Кабул итү бүлмәсе

8 (34782) 5-12-96

Хезмәттәшлек

8 (34782) 5-13-05

Кадрлар бүлеге

8 (34782) 5-12-96