+30 °С
Облачно
Хәвефсезлек
7 Ноября 2019, 08:12
Юка бозда бәлагә ничек юл куймаска?
Ел саен юка бозга чыгып, дистәләгән кеше һәлак була – балыкчылардан кала, ата-ана карамагыннан тыш хәвефле урыннарда йөргән бала-чага да бу.
Ел саен юка бозга чыгып, дистәләгән кеше һәлак була – балыкчылардан кала, ата-ана карамагыннан тыш хәвефле урыннарда йөргән бала-чага да бу. Республиканың Гадәттән тыш хәлләр комитеты коткаручылары кыш көне сулыкларда үзеңне ничек тотарга кирәклеген искә төшерә.
Кеше өчен кимендә 10 см калынлыгындагы боз хәвезсез.
Чыдам боз – үтә күренмәле, яшькелт яки зәңгәр төстә. Юка боз – тонык, соры.
Боз бигрәк тә су асты агымы булган, сазлыклы ярларда; күпер төпләрендә; сулыкларга сәнәгать предприятиеләреннән су агып төшкән җирләрдә юкарак була.
Бозны аяк белән тибеп тикшермиләр. Иң кулае таяк: бер тапкыр нык итеп сукканнан соң ук су чыкса, боз юка, димәк, аның буенча йөреп булмый. Кичекмәстән эз буенча ярга чигенегез, аякларыгызны боздан аермагыз, шудырып кына барыгыз.
Әгәр сез балыкчы икән, бәкеләрне, бер-берсеннән биш-алты метр ара калдырып, бер-бер артлы тишмәгез.
Боз астына төшеп киткән очракта, каушамагыз. Кулларыгызны як-якка җәеп, баштан суга чуммас өчен боз читенә ябышыгыз. Сак кына, бозны китмичә, кискен хәрәкәтләр ясамыйча, түшегез белән бозга ятып, башта бер аягыгызны, аннары икенчесен тартып алыгыз.
Боз чыдаса, әкрен генә боз читеннән тәгәрәп китеп, ярга таба шуышыгыз.
Башка кеше боз астына төшеп китсә, бау, озын таяк, такта алыгыз, шарф, каеш, киемнәрне бергә бәйләп, аякларыгызны җәеп, сак кына җылуга таба шуышыгыз.
Зыян күрүченең янына ук шуышып килеп, аңа кул сузу хәвефле. Бозга йөкләнешне арттырып, сезнең дә суга төшеп китүегез ихтимал. Шуңа күрә өч-дүрт метр кала туктагыз, колганы, бауны, шарф һәм башка озын әйберләрне ыргытыгыз.
Зыян күрүчене ипләп кенә боз өстенә сөйрәп алыгыз һәм, аның белән бергә шуышып, хәвефле төбәктән чыгыгыз. «Ашыгыч ярдәм” бригадасы чакыртыгыз.
