Барлык яңалыклар
Хәвефсезлек
23 октябрь 2018, 13:06

Күршеләре бер ирне коткарган

Узган ялларда районда ике янгын теркәлгән

Узган ялларда районда ике янгын теркәлгән


Шимбә, 20 октябрьдә, Туймазыда Посёлок урамында мунчага ут капкан. Каза урынына янгын сүндерүчеләр килгәнче, күршеләре янгынны сүндерергә өлгергән. Алар ут эченнән 51 яшьлек ирне алып чыккан. Тәне пешкән ир үзәк район хастаханәсенә озатылган. Янгынның фаразланган сәбәбе – тәмәке тартканда ут белән саксыз кылану.

Якшәмбе, 21 октябрьдә, Татар-Олкан авыл советының Кыска-Елга авылында мунча янган. Зыян күрүче юк, – дип хәбәр итте Федерация янгын хәвефсезлеге хезмәте БР 12нче отрядының 48нче янгын сүндерү бүлеге начальнигы Илсур Яппаров.